سوچا تھا تم سے مل کے سیدھا گھر جاؤں گا۔۔۔ اردو غزل: فاروق شہزاد ملکانی

 

سوچا  تھا  تم  سے مل کے  سیدھا  گھر جاؤں گا

مل  کے  لگتا  ہے  تم  سے بچھڑا تو مر جاؤں گا

 

زندگی  تو  نے یہ  کس  موڑ پہ  لا چھوڑا ہے؟

وہ  ستمگر گر   نہ  ملا  تو  میں  کدھر  جاؤں  گا؟

 

دھوپ  اتنی کہ سائے بھی جھلسے جاتے ہیں

اب میں تنہا کہاں کسی سائے کی خبر لاؤں گا؟

 

یاد آئے گی تو شبنمی آنسو پلکوں پہ لرز اٹھیں گے

تیرے کوچے سے میں یونہی رو کر گزر جاؤں گا

 

یہ جو آنکھوں میں ہے طوفان دبایا ہوا میں نے

ایک دن ضبط  کا بندھن جو ٹوٹا تو بکھر جاؤں گا

 

تو جو کہہ دے کہ  پلٹ آؤ،  میں  پلٹ آؤں گا

تو جو روکے گا  تو  میں دنیا  سے  ہی  مکر  جاؤں گا

 

خواب  آنکھوں  میں  ہیں   اندھیرے اب تک

تجھے  پا  لوں گا  یا   خود  سے   ہی  مکر  جاؤں  گا

 

پھر سے اجڑے ہوئے لمحوں میں نہ لے جا  مجھ کو

میں تو سمجھا تھا کہ اب زخم بھرے تو سنور جاؤں گا

 

یہ جو  دیوار  کے اس  پار  کھڑا  ہوں  چپ  چاپ

چاہے گر جائے مجھ پر، مگر اس سے اُدھر جاؤں گا

 

تو  جو  سچ  پوچھے  تو  اب  سوچ  لیا  ہے  میں  نے

شہزاد  ملنے  آیا  تھا  مگر،  پھر  نہ  اُدھر  جاؤں  گا

 

یہ بھی پڑھیں:

شور ہے غضب کا مگر تنہائی  نہیں جاتی۔۔۔ اردو غزل ، فاروق شہزاد ملکانی

اک صحرا ہے آنکھوں  میں۔۔۔ شاعر: فاروق شہزاد ملکانی