کرکٹ ورلڈ کپ 2023 کیلئے پاکستانی ٹیم کیلئے کٹ کی رونمائی ، میچز شیڈول بھی سامنے آ گیا

پاکستان کرکٹ بورڈ ( پی سی بی) نے کرکٹ ورلڈ کپ 2023 کیلئے پاکستان کرکٹ ٹیم کی کٹ کی رونمائی کر دی۔ اسی طرح کرکٹ ورلڈ کپ 2023 میں پاکستان کے میچز کا شیڈول بھی سامنے آ گیا ہے۔

کرکٹ ورلڈ کپ 2023 اسی سال اکتوبر و نومبر میں انڈیا میں ہو رہا ہے۔ کرکٹ ورلڈ کپ 2023 میں 10 ٹیمیں حصہ لے رہی ہیں۔ کرکٹ ورلڈ کپ 2023 ، 5 اکتوبر سے 19 نومبر تک جاری رہے گا۔

کرکٹ ورلڈ کپ 2023 کیلئے پاکستان کرکٹ بورڈ ( پی سی بی ) نے پاکستان کرکٹ ٹیم کی کٹ کی نمائش کر دی ہے۔ کٹ کی رونمائی کی تقریب گذشتہ روز لاہور میں منعقد ہوئی تقریب کے مہمان خصوصی چیئرمین پاکستان کرکٹ بورڈ منیجمنٹ کمیٹی ذکاء اشرف تھے۔

واضح رہے کہ 10 ٹیمیں 5 اکتوبر سے 19 نومبر تک 10 مقامات پر کرکٹ ورلڈ کپ 2023 کے ٹائٹل کے لیے میدان میں نبردآزما ہوں گی۔

کرکٹ ورلڈ کپ 2023 کی افتتاحی تقریب احمد آباد کے نریندر مودی اسٹیڈیم میں منعقد ہوگی۔

آئی سی سی کرکٹ ورلڈ کپ 2023 کے لیے پاکستان کے میچز درج ذیل شیڈول کے مطابق ہوں گے:

تاریخ	شہر	ٹیم
اکتوبر 06، 2023	حیدر آباد	ہالینڈ
اکتوبر 10، 2023	حیدر آباد	سری لنکا
اکتوبر 14، 2023	احمد آباد	بھارت
اکتوبر 20، 2023	بنگلورو	آسٹریلیا
اکتوبر 23، 2023	چنئی	افغانستان
اکتوبر 27، 2023	چنئی	جنوبی افریقہ
اکتوبر 31، 2023	کولکتہ	بنگلہ دیش
نومبر 04، 2023	بنگلورو	نیوزی لینڈ
نومبر 11، 2023	کولکتہ	انگلینڈ

کرکٹ ورلڈ کپ 2023 میں ڈے میچز اور ڈے اینڈ نائٹ میچز کھیلے جائیں گے۔ ڈے میچز پاکستانی وقت کے مطابق صبح 10:00 بجے شروع ہوں گے۔ جبکہ ڈے اینڈ نائٹ میچز پاکستانی وقت کے مطابق دوپہر 01:30 بجے شروع ہوں گے۔

اگر پاکستان کی کارکردگی اچھی رہی اور پاکستان کرکٹ ورلڈ کپ 2023 کے سیمی فائنل کے لیے کوالیفائی کرنے میں کامیاب ہوتا ہے تو وہ اپنا سیمی فائنل کولکتہ میں کھیلے گا۔

اسی طرح اگر انڈیا اپنی جادوگری دکھانے میں کامیاب ہوتا ہے اور سیمی فائنل کے لیے کوالیفائی کرتا ہے تو وہ ممبئی میں کھیلے گا ، بصورت دیگر اگر انڈیا کا سیمی فائنل میں مقابلہ پاکستان سے ہوتا ہے تو پھر وہ سیمی فائنل کولکتہ میں ہو گا۔

کرکٹ ورلڈ کپ 2023 راؤنڈ رابن فارمیٹ میں کھیلا جائے گا جس میں تمام ٹیمیں ایک دوسرے کے خلاف کل 45 لیگ میچز کھیلیں گی۔

سب سے زیادہ پوائنٹس لینے والی چار ٹیمیں سیمی فائنل کے لیے کوالیفائی کریں گی۔ یہ سیمی فائنلز بالترتیب 15 نومبر کو ممبئی اور 16 نومبر کو کولکتہ میں ہوں گے۔ سیمی فائنل اور فائنل کیلئے ریزرو دن بھی ہوں گے۔