تبسم آرالیکچرر اورینٹل کالج عثمانیہ یونیورسٹی کو اردو میں ڈاکٹریٹ کی ڈگری مل گئی

 

تبسم آرالیکچرر اورینٹل کالج عثمانیہ یونیورسٹی  کو اردو میں ڈاکٹریٹ کی ڈگری مل گئی

 

حیدرآباد(8 جون راست) کنٹرولر شعبہ امتحانات عثمانیہ یونیورسٹی حیدرآباد سے 7 جون کو جاری ایک پریس نوٹ کے بموجب تبسم آرا لیکچرر اردو اورینٹل کالج عثمانیہ یونیورسٹی ولدمحمد عبدالصمد کو اورینٹل اردو عثمانیہ یونیورسٹی کی جانب سے اردو میں ڈاکٹریٹ کی ڈگری کا اہل قرار دیا گیا ہے۔ ڈاکٹر تبسم آرا نے اپنا تحقیقی مقالہ بہ عنوان” حیدرآباد میں مزاحیہ اردو میں خواتین انشائیہ نگار آزادی کے بعد “  ڈاکٹر رضوانہ بیگم صدر شعبہ اردو گورنمنٹ سٹی کالج حیدرآباد کے زیر نگرانی مکمل کیا۔ اس تحقیقی مقالے میں ڈاکٹر تبسم آراء نے مختلف ابواب کے تحت انشائیہ نگاری کا فن اور ملک و بیرون ملک خاتون انشائیہ نگاروں کی خدمات کا جائزہ میں پیش کیا ہے ۔

 

 ڈاکٹر تبسم آراء کے پی ایچ ڈی وائیو کے ممتحن  ڈاکٹر صفدری عسکر اور ڈاکٹر نکہت آرا شاہین  اور پروفیسر گنیش  پرنسپل آرٹس اینڈ سائنس کالج عثمانیہ یونیورسٹی و انچارج صدر شعبہ اردو عثمانیہ یونیورسٹی تھے۔ ڈاکٹر تبسم آراء کو اردو میں ڈاکٹریٹ کی ڈگری ملنے پر اساتذہ اور دوست احباب ڈاکٹر رضوانہ بیگم ، پروفیسر فضل اللہ مکرم ، ڈاکٹر شجاعت علی راشد ، ڈاکٹر شیخ عبدالکریم ڈاکٹر محمد اسلم فاروقی‘ڈاکٹرمحمد ناظم علی‘ڈاکٹر نکہت آرا شاہین ‘محترمہ سعیدہ خاتون پرنسپل اورینٹل کالج ڈاکٹر محمد مشتاق‘ڈاکٹر انجم النساءزیبا، ڈاکٹر سعدیہ سلیم شمسی‘ڈاکٹر فہمیدہ، ‘ڈاکٹر فریدہ  ‘ ‘ڈاکٹر بی بی کوثر‘ڈاکٹر شوکت فہیم،، ڈاکٹر شیخ محمد سراج الدین ریسرچ اسکالرز محمد محبوب‘ ‘ محمد شفیع الدین ظفر‘ محمد مجاہد‘ سید آصف علی، سید یحییٰ ،، مقبول احمد اور حافظ و قاری سید فیاض علی، حافظ و قاری حمید الدین قاسمی عزیز و اقارب نے مبارکباد پیش کی ہے۔

 

ادارہ اردو ورلڈڈاٹ کام ڈاٹ پی کےکے مدیراعلیٰ شاعر، نثرنگار و کالم نگار فاروق شہزاد ملکانی نے بھی ڈاکٹر تبسم آراء کو ڈاکٹریٹ کی ڈگری ملنے پر مسرت کا اظہار کیا ہے اور انہیں مبارکباد پیش کی ہے۔

 

یہ بھی پڑھیں:

انشائیہ کا مفہوم اور اس کی خصوصیات